ShQO-da júrgizýshi kýáligin almaq bolǵan er adam alaıaqqa 6,6 mln teńge bergen
ÓSKEMEN. KAZINFORM - Shyǵys Qazaqstan oblysy Zaısan aýdanynyń turǵyny júrgizýshi kýáligin jasatpaqshy bolyp alaıaqqa aldanyp qalǵan.
ShQO Polıtsııa departamenti baspasóz qyzmetiniń málimetine súıensek, tártip saqshylaryna habarlasqan 21 jastaǵy jigit tanysy júrgizýshi kýáligin alyp berýge kómektesemin dep, 6 mln teńgeden astam aqsha alǵanyn aıtqan.
- Belgili bolǵandaı, jábirlenýshi Almaty oblysyndaǵy áskerı bólimderdiń birinde merzimdi áskerı qyzmet ótkergen tanysymen qaıta aralasa bastaǵan. Áńgime barysynda er adam óziniń Almaty qalasyndaǵy arnaıy halyqqa qyzmet kórsetý ortalyǵynda jumys isteıtinin aıtyp, júrgizýshi kýáligin alýǵa kómektese alatynyn jetkizgen, - delingen aqparatta.
Onyń sózine sengen azamat aldymen kelisilgen somany aýdarǵan. Keıin tanysy ártúrli sebepter aıtyp, birneshe ret qosymsha aqsha suraǵan. Nátıjesinde jábirlenýshi 6,6 mln teńgeden astam qarjysynan aıyrylǵan.
- Aqshanyń bir bóligi belgisiz tulǵalardyń esepshottaryna aýdarylǵan. Atalǵan derek boıynsha sotqa deıingi tergeý júrgizilip jatyr, - delingen habarlamada.
Eske salsaq, osyǵan deıin Jambyl oblysynda kýrer ınternet-alaıaqtarǵa kómektesti degen kúdikpen ustalǵany habarlanǵan.
