ShQO-da júrgizýshilerge kólikti ýaqytsha tirkeý jóninde keńes berildi
ÓSKEMEN. QazAqparat - Shyǵys Qazaqstan oblysynda polıtsııa qyzmetkerleri 50-den astam júrgizýshige kólikti ýaqytsha tirkeý týraly keńes berdi, dep habarlaıdy QazAqparat.
Óńirdegi barlyq halyqqa qyzmet kórsetý ortalyqtary demalys kúnderi tek sheteldik nómiri bar avtokólik júrgizýshileriniń máseleleri boıynsha jumys isteýde.
1-2 aqpanda Óskemen qalasyndaǵy arnaıy HQO-da tártip saqshylary EAEO elderinen ákelinetin kólik quraldaryn ýaqytsha tirkeý týraly keńes berdi.
«Ákimshilik polıtsııa bóliminiń qyzmetkerleri men memlekettik kirister departamentiniń ókilderi kólikti ýaqytsha nemese turaqty tirkeýge qalaı qoıý kerektigin túsindirdi. 2 kún ishinde 50-den astam adamǵa keńes berildi», - dep habarlady ShQO polıtsııa departamentiniń baspasóz qyzmeti.
