ShQO-da júrgizýshi kýáliginen aıyrylǵan 5 adam mas bolyp rýlge otyrǵan
ÓSKEMEN. QazAqparat – Shyǵys Qazaqstan oblysynda 2021 jyldyń basynan beri mas kúıde kólik tizgindegen 5 adamǵa qylmystyq iz qozǵalǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, bıylǵy jyldyń basynan beri kólik quralyn basqarý quqyǵynan aıyrylsa da mas kúıde rýlge otyrǵan 5 adam ustaldy. Atalǵan faktiler boıynsha qylmystyq is qozǵalǵan.
«Jýyrda tártip saqshylary Semeı qalasynyń Shákárim dańǵylynda ishimdik iship alyp «Toyota Camry» avtokóligin tizgindegen 46 jastaǵy er adamdy toqtatty. Ol buǵan deıin 7 jyl boıy kólik aıdaý quqyǵynan aıyrylǵan. Qazirgi ýaqytta QR Qylmystyq Kodeksiniń 346-baby 1-bóligi boıynsha sotqa deıingi tergeý amaldary júrgizilýde», - dedi ShQO PD bastyǵy Saǵat Mádıev.
Onyń aıtýynsha, birqatar sot-medıtsınalyq saraptamalar taǵaıyndalǵan. Sonyń nátıjeleri boıynsha protsessýaldyq sheshim qabyldanady.
