ShQO-da jumys ornynda shahter qaıtys boldy
ASTANA. QazAqparat - «KAZ Minerals Tobynyń» jumys ornynda densaýlyǵy kúrt nasharlap, aýrýhanaǵa jetkizilgen shahter qaıtys boldy, dep habarlaıdy QazAqparat tilshisi vedomstvonyń baspasóz qyzmetine silteme jasap.
«27 tamyzda saǵat 21:00 shamasynda «Shyǵystústimet» JShS Orlov óndiristik kesheni Orlov shahtasynyń shpýr burǵylaýshysy jumys kezinde esinen tanyp qaldy. Qyzmetkerdi Jezkent aýyldyq aýrýhanasyna jetkizgende dárigerler onyń qaıtys bolǵanyn málimdedi», - delingen habarlamada.
Oqıǵanyń mán-jaıy anyqtalyp jatyr. Qaıǵyly jaǵdaıdy tergeý úshin arnaıy komıssııa qurylǵan.
«KAZ Minerals Tobynyń» basshylyǵy men ujymy marqumnyń týǵan-týystarynyń qaıǵylaryna ortaqtasyp, kóńil aıtady», - delingen habarlamada.
