ShQO-da jumys berýshiler jalaqy boıynsha qaryz 260 mln teńgeni tóledi
ÓSKEMEN. QazAqparat - Shyǵys Qazaqstan oblysynda «Ýaqytyly jalaqy» aktsııasy aıasynda 260 mln teńge kólemindegi qaryz tolyqtaı óteldi. Bul týraly ShQO óńirlik kommýnıkatsııalar qyzmetiniń baspasóz máslıhatynda Memlekettik eńbek ınspektsııasy basqarmasynyń basshysy Baqytbek Qızatov málimdedi, dep habarlaıdy «QazAqparat» HAA tilshisi.
«Ýaqytyly jalaqy» aktsııasy barysynda oblystyq prokýratýra men Memlekettik eńbek ınspektsııasy basqarmasy 2017 jyldyń qańtarynan mamyryna deıin 445 tekserý júrgizdi. Olardyń nátıjesinde 272 eskertý berilip, 197 ákimshilik aıyppul salyndy. Aıyppul somasy 23,6 mln teńgeni qurady. Osylaısha, 260 mln teńge somasynda jalaqy qaryzy tólendi». - dep atap ótti B. Qızatov.
Ondaı uıymdardyń arasynda «Vostokmashzavod» AQ men «Ádil» AQ bar. Aktsııa nátıjesinde olar jumysshylarynyń aldyndaǵy mindetterin tolyqtaı oryndady, dedi ShQO bas memınspektory.
