ShQO-da juqa muzǵa túsip ketken 9 jasar bala qutqaryldy

ASTANA. KAZINFORM – Shyǵys Qazaqstan oblysynyń Altaı qalasynda juqa muz astyna túsip ketken 9 jasar balany qutqarýshylar aman alyp qaldy, dep habarlady Tótenshe jaǵdaılar mınıstrligi.

s
Foto: Vıdeodan alynǵan skrın

Oqıǵa Altaı qalasyndaǵy Kýrchatov kóshesi mańyndaǵy batpaqty aýmaqta bolǵan. 2017 jyly týǵan bala juqa muzdyń ústine shyǵyp, sýǵa túsip ketken.

Oqıǵa ornyna jedel jetken TJM qyzmetkerleri balany sýdan shyǵaryp, jedel járdem brıgadasyna tapsyrdy.

– Qutqarýshylar balany sýdan shyǵaryp, jedel medıtsınalyq járdem brıgadasyna tapsyrdy. Aldyn ala dıagnoz – deneniń jalpy sýyqtaýy. Bala aýrýhanaǵa jetkizildi. Qazirgi jaǵdaıy qanaǵattanarlyq, – delingen mınıstrlik habarlamasynda.

Tótenshe jaǵdaılar mınıstrligi ata-analardy balalardy qaraýsyz qaldyrmaýǵa jáne olardyń sý aıdyndary mańynda oınaýyna jol bermeýge shaqyrdy.

Vedomstvo juqa muzdyń adam ómirine úlken qaýip tóndiretinin eske salyp, tótenshe jaǵdaı týyndaǵan kezde 112 nómirine habarlasý qajettigin eskertti.

Aıta keteıik, buǵan deıin Kókshetaýda Qylshaqty ózeninde muz astyna túsip ketken balany qutqarǵan Marat Zııadın «Sýǵa batqandardy qutqarǵany úshin» medalimen marapattalǵan edi.