ShQO-da júk kóligi on jasar qyzdy qaǵyp ketti
ASTANA. QazAqparat - Shyǵys Qazaqstan oblysynyń Shemonaıha qalasynda on jasar qyzdy júk kóligi qaǵyp ketken. Qyz aýyr jaraqat aldy, dep habarlaıdy YK-news.kz.
Shemonaıha aýdandyq ІІB jergilikti polıtsııasy qyzdy qaǵyp ketken GAZ-53 avtomobıli ekenin anyqtaǵan. Nusqalardyń birine qaraǵanda, telefonda sóılesip kele jatqan qyz mashınany baıqamaı qalǵan. Oqıǵa ornynda jaıaý júrginshiler ótetin jolaq joq. Kýágerlerdiń aıtýynsha, avtomobıl baıaý kele jatqan, biraq tejep úlgermegen.
Qyz «jedel járdemmen» aýdandyq ortalyq aýrýhanaǵa jetkizilgen. Aýyr jaraqat alǵan qyz oblystyq aýrýhanaǵa aýystyrylýy múmkin. Polıtsııa júrgizýshiniń qanynan spırtti ishimdikterdiń belgileri tabylmaǵanyn málimdedi. Jol kólik oqıǵasy boıynsha tergeý júrip jatyr.
