ShQO-da júk kóligi aýdarylyp, jerge kúkirt qyshqyly tógildi
ShQO Polıtsııa departamenti baspasóz qyzmetiniń málimetine súıensek, jol apaty 6 sáýirde oblystyq mańyzy bar «Óskemen-Altaı-Katonqaraǵaı-Úlken Naryn-Rahman qaınarlary» tasjolynyń 136-shaqyrymynda bolǵan. Anyqtalǵandaı, aýyr júk kóligi jeńil kólikpen soqtyǵysqan.
«VAZ 21214» avtokóliginiń 67 jastaǵy júrgizýshisi rýlge ıe bola almaı qalyp, qarsy baǵytta kele jatqan aýyr júk kóligine soǵyldy. Jeńil kóliktiń júrgizýshisi dene jaraqattarymen aýrýhanaǵa jatqyzyldy», - delingen aqparatta.
Apat saldarynan aýyr júk kóliginen kúkirt qyshqyly jerge tógilip ketken. Oqıǵa ornyna Shyǵys Qazaqstan oblysynyń Ekologııa departamentiniń mamandary keldi.
Olar tógilgen kúkirt qyshqylynyń mólsherin jáne onyń topyraqqa qanshalyqty sińgenin anyqtaý úshin jerden synama aldy.