ShQO-da júk kóligi 15 jastaǵy qyzdy qaǵyp, mert qyldy
ÓSKEMEN. QazAqparat – Jol-kólik oqıǵasy ShQO Glýbokoe aýdany Bystrýha aýylynda bolǵan, dep habarlaıdy YK-news.kz.
«27 qyrkúıekte saǵat 21:00-de 41 jastaǵy júk kóliginiń júrgizýshisi kámelettik jasqa tolmaǵan qyzdy qaǵyp ketti. Boıjetken esin jımastan, jedel járdem kóliginde kóz jumdy», - dep habarlady ShQO Polıtsııa departamentiniń baspasóz qyzmetinen.
Atalǵan fakti boıynsha QR Qylmystyq kodeksiniń 345-baby 3-bóligi («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy») boıynsha sotqa deıingi tergeý jumystary bastaldy.
