ShQO-da júk kóligi jarylyp, 2 adam kóz jumdy
ÓSKEMEN. KAZINFORM – Shyǵys Qazaqstan oblysyndaǵy Óskemen-Samar tasjolynda júk kóligi jarylyp, 2 adam qaza boldy.
ShQO polıtsııa departamenti baspasóz qyzmetiniń málimetine súıensek, VOLVO markaly júk kóligi Samar aýdanynda taý-ken jumystaryna qajetti jarylǵysh zattardy tasyp kele jatqan. Kenet Óskemen-Samar tasjolynyń 75-shaqyrymynda sol zattar jarylyp, kólik júrgizýshisi men jolaýshysy kóz jumdy.
"Atalǵan fakti boıynsha qylmystyq is qozǵaldy. Qazirgi ýaqytta bolǵan jaǵdaıdyń sebepteri men «jaǵdaılaryn anyqtaý úshin barlyq qajetti tergeý amaldary júrgizilýde. Tergeýdi Shyǵys Qazaqstan oblysy Polıtsııa departamentiniń basshylyǵy baqylaýǵa aldy», - delingen aqparatta.
Eske salsaq, osyǵan deıin Túrkistan oblysynda jol apatynan 4 adam mert bolǵany habarlanǵan.
