ShQO-da JRVI juqtyrǵandar sany 9 myńǵa jetti
ÓSKEMEN. QazAqparat - Oblysta jedel respıratorlyq-vırýstyq ınfektsııa juqtyrǵandardyń sany bir jarym aıda 9 myńǵa jetip otyr, dep habarlaıdy QazAqparat Altaynews.kz-ke silteme jasap.
Bul aýrýdyń taralýyndaǵy shekti san emes. Óıtkeni epıdemıologııalyq maýsymnyń qarasha aıynda bastalatyny belgili. Dese de, oblysta ázirshe tumaý juqtyrý faktisi tirkelgen joq.
Oblystyq densaýlyq saqtaý basqarmasy bergen málimetke súıensek, qyrkúıek pen qazan aıynyń birinshi jartysynda oblys boıynsha naqty 8990 adam JRVI-men syrqattanǵan. Onyń ishinde Óskemende - 2672, Rıdderde - 1244, Glýbokoe aýdanynda- 1185, Zyrıan aýdanynda - 884, Shemonaıha aýdanynda - 348, Borodýlıha aýdanynda - 166, Ulan aýdanynda - 28 adam.
Aıta ketsek, 2018-2019 jyldary A tıpindegi tumaý vırýsynyń eki tıp tarmaǵy - H1N1 (Mıchıgan) jáne H3N2 (Sıngapýr), sondaı-aq, V tıpindegi Kolorado vırýsy belsendi túrde taralýy múmkin dep boljanyp otyr. Bulardyń arasynda Sıngapýr vırýsy asa qaýipti.
