ShQO-da JRVI juqtyrǵandar sany 45 myńnan asty

ÓSKEMEN.KAZINFORM - Shyǵys Qazaqstan oblysynda JRVI-ge shaldyqqandar sany artyp keledi. Dese de ázirge shekteýler engizilgen joq.

ShQO sanıtarlyq-epıdemıologııalyq baqylaý departamentiniń málimetine súıensek, bıyl óńirde jergilikti bıýdjet esebinen «Grıppol plıýs» vaktsınasynyń 75 myń dozasy satyp alynǵan. Budan bólek, jumys berýshiler men jeke klınıkalar taǵy eki myń doza alǵan.

- Búginde 74 530 adam vaktsına saldyrdy. Bul oblys halqynyń 10 paıyzdan astamy. Onyń ishinde 72 519-y qaýip tobyna jatatyndar. Olardyń qatarynda júkti áıelder, medıtsına qyzmetkerleri, dıspanserlik eseptegi balalar, ınternat tárbıelenýshileri, qarttar úıiniń turǵyndary jáne sozylmaly aýrýǵa shaldyqqan adamdar bar, — dedi departament basshysy Qanat Turdıev.

Onyń aıtýynsha, maýsymdyq vırýstar boıynsha jaǵdaı baqylaýda.

- 1 qazannan 17 qarashaǵa deıin oblysta 45 937 JRVI tirkeldi. Naýqastardyń shamamen 60 paıyzy - balalar. Kórsetkishter ótken epıdemııalyq maýsym deńgeıine sáıkes keledi, sondyqtan qosymsha shekteýler engizilgen joq, - dedi vedomstvo mamandary.

Zerthanalyq túrde rastalǵan tumaý jaǵdaılary - 5. Barlyǵynda da A/H3N2 vırýsy, ıaǵnı «gonkong tumaýy» anyqtalǵan.

Tumaýdan bólek, óńir zerthanalarynda ózge de respıratorly vırýstar anyqtalyp jatyr. Zerttelgen 368 synamanyń 93-i oń nátıje kórsetken. Olar negizinen rınovırýs pen adenovırýs.

Eske salsaq, osyǵan deıin Shyǵys Qazaqstan oblysynda juqpaly aýrýlardyń taralýyna baılanysty mektep oqýshylary qashyqtan oqý formatyna kóshirilip jatqany habarlanǵan.