ShQO-da JRVI juqtyrǵandar sany 17,7 paıyzǵa kóbeıdi

ÓSKEMEN. KAZINFORM – Shyǵys Qazaqstan oblysynda bıyl jiti respıratorlyq vırýstyq ınfektsııa juqtyrǵan adam sany 17,7 paıyzǵa artty.

ShQO sanıtarlyq-epıdemıologııalyq baqylaý departamentiniń málimetine súıensek, óńir boıynsha bıyl 72 428 adam JRVI juqtyrǵan. Ótken jyly bul kórsetkish 59 643 adamdy qurady. Demek, naýqastar sany 17,7 paıyzǵa ósti. Al tumaýdyń zerthanalyq rastalǵan jaǵdaılarynyń sany úsh esege azaıyp otyr. Bıyl - 9, byltyr - 3 adam tumaýmen aýyrǵan.

- JRVI jáne tumaýmen syrqattaný kórsetkishi qaýipti deńgeıde emes. Infektsııa juqtyrǵandar sanynyń artýyna bıylǵy jyldyń meteorologııalyq jaǵdaılarynyń erekshelikteri sebep boldy. Máselen, kúz ben qystyń salystyrmaly túrde jyly bolýynan vırýs qorshaǵan ortada uzaq saqtalady, - delingen aqparatta.

Aıta keteıik, Shyǵys Qazaqstanda JRVI jáne tumaýmen aýyrǵandar sany boıynsha Óskemen qalasy aldyńǵy orynda. Ekinshi orynda Glýbokoe aýdany, úshinshi orynda Altaı qalasy tur.

Eske salsaq, osyǵan deıin SQO-da shoshqa tumaýyn juqtyrǵandar tirkelgeni habarlanǵan.