ShQO-da JRVI juqtyrǵandar sany 100 myńǵa taıap qaldy

ÓSKEMEN. KAZINFORM — Shyǵys Qazaqstan oblysynda JRVI-ge shaldyqqandar sany artyp keledi.

ShQO sanıtarlyq-epıdemıologııalyq baqylaý departamentiniń málimetine súıensek, 1 qazannan beri oblysta JRVI-ge 93358 adam shaldyqty. Onyń ishinde 14 jasqa deıingi bala sany — 58 517. ıAǵnı, aýyrǵandardyń basym bóligi (62,68%) balalar arasynda tirkelgen. 

— Bir jasqa deıingi 1060 sábı atalǵan ınfektsııany juqtyrdy. Júkti áıelder arasynda 276 jaǵdaı tirkeldi. Budan bólek, tumaýdyń zerthanalyq rastalǵan 73 jaǵdaıy tirkeldi. Onyń ishinde 14 jasqa deıingi bala sany — 37, — deıdi departament basshysy Qanat Turdıev.

Óńir jurtshylyǵyna JRVI belgileri bar adamdardan aýlaq bolýǵa, úı ishin jıi jeldetip otyrýǵa, durys tamaqtanyp, salaýatty ómir saltyn ustanýǵa keńes berildi.

Bıyl JRVI jáne tumaýdyń epıdemııalyq maýsymynda jergilikti bıýdjet esebinen 76,7 mln tengege tumaýǵa qarsy Grıppol plıýs vaktsınasynyń 75000 dozasy satyp alynǵan. Jumys berýshiler esebinen jáne aqyly túrde ekpe salý úshin 2000 doza alyndy. Osylaısha, qazirgi tańda oblys boıynsha 77 000 adam tumaýǵa qarsy ekpe saldyrdy. Bul óńir turǵyndarynyń 10%-nan asady.

Eske salsaq, osyǵan deıin Óskemende JRVI juqtyrǵandar kóbeıip, aýrýhanalarda shekteý sharalary engizilgeni habarlanǵan.