ShQO-da JRVI juqtyrǵan bala sany 6 esege artty

Shyǵys Qazaqstan oblysynda jiti respıratorly vırýsty ınfektsııa (JRVI) juqtyrǵan bala sany 6 esege artyp otyr, dep habarlaıdy Kazinform tilshisi.

ShQO Sanıtarlyq-epıdemıologııalyq baqylaý departamentiniń málimetine súıensek, bıyl kúz bastalǵaly beri óńir boıynsha 35 483 adam jiti respıratorly vırýstyq ınfektsııamen jáne tumaýmen aýyrǵan.

Bul kórsetkish ótken jyldyń sáıkes kezeńimen salystyrǵanda birshama artyp otyr. Naqty aıtqanda, aýrýǵa shaldyqqandar eresekter arasynda 1,7 esege, balalar arasynda 6 esege ósken.

«Buǵan osy jyly aýa raıynyń byltyrǵyǵa qaraǵanda áldeqaıda erte sýytýy sebep boldy. Qyrkúıek aıynan bastap osy ýaqytqa deıin aýrýy asqynǵan 282 naýqas emhanaǵa jatqyzyldy. Tumaýmen kúresýdiń tıimdi ádisteriniń biri – vaktsına. Oblys boıynsha barlyǵy 73 884 adam tumaýǵa qarsy ekpe aldy. Onyń 10 552-i balalar, 19472-i zeınet jasyndaǵylar. Vaktsınatsııa naýqany 15 qarashaǵa deıin jalǵasady», - delingen aqparatta.