ShQO-da JRVI-ge qatysty epıdahýal qalaı

ÓSKEMEN. QazAqparat – Shyǵys Qazaqstan oblysynda ótken jyldyń qazan aıy men 2022 jyldyń naýryzy aralyǵynda 73 myńǵa jýyq adam JRVI-men aýyrǵan, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńirde 2021 jyldyń qazan aıy men 2022 jyldyń naýryzy aralyǵynda jiti rıspıratorlyq vırýstyq ınfektsııamen aýyrǵandar sany 72 562 adamdy qurap otyr. Bul ótken jylǵy kezeńmen salystyrǵanda 1,5 ese artyq. Onyń jartysyna jýyǵy – balalar.

«Jyl basynan beri tumaýdyń 301 jaǵdaıy tirkeldi. Onyń ishinde 14 jasqa deıingi balalar – 158. Jalpy aımaq boıynsha tumaýǵa shaldyqqan adam sany jaǵynan Semeı qalasy aldyńǵy orynda tur. Shaharda 136 naýqas tirkelgen. Al eń tómengi satydaǵy Borodýlıha aýdanynda – 1 turǵyn tumaýmen aýyrdy», - delingen aqparatta.

Vedomstvo ókilderiniń dereginshe, oblysta JRVI men tumaýdan ólim-jitim bolǵan joq.