ShQO-da jóndeý jumystary barysynda «Semeı Vodokanal» qyzmetkeri qaza boldy
SEMEI. QazAqparat – Shyǵys Qazaqstan oblysynda jóndeý jumystaryn júrgizip jatqan «Semeı Vodokanal» qyzmetkeri tapty, dep habarlaıdy QazAqparat tilshisi.
ShQO TJD baspasóz qyzmetiniń málimetinshe, 16 mamyr kúni tús kezinde Semeı jedel-qutqarý jasaǵyna jóndeý jumystaryn júrgizip jatqan «Semeı vodokanal» qyzmetkerleriniń qudyqtan shyǵa almaı qalǵandary týraly habar túsken. Qutqarýshylar oqıǵa ornyna 5 mınýttyń ishinde jetti.
«Bir jumysshy ózdiginen shyǵyp kómek shaqyrǵan. Qutqarýshylar ekinshi adamnyń syrtqa shyǵýyna kómektesti. Al esinen aıyrylǵan úshinshi qyzmetker ishte qalyp qalǵan. Qudyq sýǵa tolyp bara jatqandyqtan tez qımyldaý qajet boldy. Gaztutqysh kıgen qutqarýshylar baspaldaqpen túsip ony 3-4 mınýttyń ishinde alyp shyqqan. Birden sol jerge jádel járdem de kelip jetti», - dep habarlady vedomstvo ókilderi.
Medıtsına qyzmetkerleri 20 mınýt boıy zardap shekken adamnyń ómirin ajaldan arashalap qalýǵa tyrysty. Ókinishke qaraı, 1990 jylǵy azamatty aman alyp qalý múmkin bolmady. Ázirge onyń naqty neden kóz jumǵany anyqtalǵan joq.
