ShQO-da joldar jabylýda
ÓSKEMEN. QazAqparat - Aýa raıynyń qolaısyzdyǵyna baılanysty Shyǵys Qazaqstan oblysynyń birneshe baǵyttaǵy joly jabyldy, dep habarlaıdy QazAqparat tilshisi.
Áýeli tańǵy saǵat 8.30-da «QazAvtojol» mekemesi «Óskemen-Rıdder-Reseı» baǵytyndaǵy joldyń 15-105 shaqyrymy aralyǵynda júk kólikteri men avtobýstar úshin qozǵalysty toqtatqan bolatyn. Odan keıin «OblysShyǵysJol» mekemesi «Óskemen-Gornaıa Ýlbınka-Severnoe» baǵytyndaǵy joldyń 30-37 shaqyrymy jabyq ekenin habarlady. Bul baǵytta kóshkin túsý qaýpine baılanysty shekteý barlyq kólikterge birdeı jarııalanyp otyr.
Saǵat 10.35-ten bastap «QazAvtojol» mekemesi «Óskemen-Semeı» baǵytyndaǵy joldyń 48-198 shaqyrymdarynda qozǵalysty shektedi. Tavrııa aýyly men Semeıdiń arasynda jel kúsheıip, jol kóktaıǵaqqa aınalǵan. Atalmysh mekemeniń málimeti boıynsha dál osy ýaqyttan bastap Semeı-Reseı Federatsııasy baǵytyndaǵy joldyń 3-113 shqyrymynda da kóktaıǵaq qalyptasqan. Bul baǵytta júk kólikteri men avtobýstardyń qozǵalysyna shekteý qoıyldy.
Kóktaıǵaqqa baılanysty Óskemen-Shemonaıha-Reseı baǵytyndaǵy joldyń 15-123 shaqyrymynda saǵat 11.15-ten bastap júk kólikteri men avtobýstar úshin qozǵalys shekteldi.
