ShQO-da joldar jabyldy
ShYǴYS QAZAQSTAN OBLYSY. QazAqparat – Shyǵys Qazaqstan oblysyndaǵy eki avtojolda qozǵalys shekteldi , dep habarlaıdy QazAqparat.
«Qazavtojol» taratqan habarlamaǵa sáıkes, aýa raıynyń nasharlap ketýine baılanysty Shyǵys Qazaqstan oblysyndaǵy «Almaty-Óskemen» jolynyń 778-967 km jolynda, Aıagóz qalasy-Qalbataý aýyly aımaǵynda júk jáne qoǵamdyq kólikterdiń qozǵalysyna tyıym salyndy.
Qalbataý aýyly-Qasym Qaısenov aýylynyń burylysy aımaǵynda, «Almaty-Óskemen» tasjolynyń 971-1068 kılometrinde barlyq kólik túriniń qozǵalysy toqtatyldy.
Aýa raıynyń nasharlap ketýine baılanysty (boran, kóriný nasharlaý) «Úsharal-Dostyq» tasjolynyń 83-184 km, Kóktuma aýyly-Dostyq aýyly mańynda júk kóligi men qoǵamdyq kóliktiń júrýine shekteý qoıyldy.
