ShQO-da joldan ushyp ketip, aǵashqa soǵylǵan kólik júrgizýshi aýrýhanaǵa jetkizildi
ÓSKEMEN. QazAqparat – Shyǵys Qazaqstan oblysy Glýbokoe aýdanynda joldan ushyp ketip, aǵashqa soǵylǵan kólik júrgizýshi aýrýhanaǵa jetkizildi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 21 qyrkúıekte tańǵy saǵat 03.00 shamasynda respýblıkalyq mańyzy bar «Óskemen-Shemonaıha-Reseı Federatsııasy shekarasy» tasjolynyń 29-shaqyrymynda bolǵan.
«Toyota RAV-4» markaly avtokólikti tizgindegen 28 jastaǵy júrgizýshi Predgornyı eldi mekeninen Glýbokoe aýylyna qaraı kele jatty. Jyldamdyqty ruqsat etilgen shekten asyryp jibergen ol rýlge ıe bola almaı qaldy. Sonyń saldarynan kólik joldan ushyp ketip aǵashqa soǵylǵan», - dep habarlady vedomstvo ókilderi.
Jol apatynan dene jaraqatyn alǵan er adam Glýbokoe aýylyndaǵy aýrýhanaǵa jetkizilgen.
