ShQO-da jolda tońyp qalǵan jolaýshylar jylytý pýnktine jetkizildi
ÓSKEMEN. QazAqparat – Shyǵys Qazaqstan oblysynda polıtseıler Taldyqorǵanǵa bara jatqan shaǵyn avtobýsty toqtatty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 3 qańtarda saǵat 21:30 shamasynda polıtsııa qyzmetkerleri «Almaty-Óskemen» tasjolynda «Mercedes-Benz Sprinter» markaly shaǵyn avtobýsty toqtatty. Anyqtalǵandaı, «Zaısan-Taldyqorǵan» baǵytynda kele jatqan avtobýsta 18 jolaýshy bolǵan.
Sondaı-aq, saqshylar atalǵan tasjoldyń 778 shaqyrymynda «JAT» júk kóligin toqtatty. Júrgizýshi men tórt jolaýshy «Pavlodar-Taldyqorǵan» baǵytymen jolǵa shyǵypty.
«Budan birneshe saǵat buryn respýblıkalyq jáne oblystyq mańyzy bar tasjoldarda ýaqytsha kólik qozǵalysy shektelgen bolatyn. Sondyqtan polıtseıler sýyq kólik ishinde jaýrap qalǵan azamattardy jylytý pýnktine jetkizdi», - dedi ShQO PD bastyǵy Saǵat Mádıev.
Aıta keteıik, oblysta aýa temperatýrasy 40 gradýsqa deıin tómendedi.
