ShQO-da jolda qalǵandarǵa kómektesýge 700-den astam tehnıka daıyndaldy

ÓSKEMEN. QazAqparat – Shyǵys Qazaqstan oblysynda aqtútek boranda jolda qalǵandarǵa kómektesýge 700-den astam tehnıka daıyndalǵan, dep habarlaıdy QazAqparat tilshisi.

Qazir óńirde aýa raıy kúrt nasharlap ketti. Aqtútek boran men kóktaıǵaq ásirese alys jolǵa shyqqandardy ábigerge salyp otyr.

Osy rette, ShQO TJD tótenshe jaǵdaılarǵa jedel den qoıý maqsatynda arnaıy shtab qurdy.

«Oblysta 10 ýaqytsha jylytý pýnkti jumys istep tur. 700-den astam tehnıka daıyndalǵan. Halyqqa qolaısyz aýa raıy týraly SMS-habarlamalar jáne «Darmen» mobıldi qosymshasy arqyly eskertip jatyrmyz», - dep habarlady departamenttiń baspasóz qyzmetinen.

ShQO jáne Abaı oblysy boıynsha dál osy sátte 10 jol jabyq:

1. «Predgornoe-Shemonaıha-Reseı Federatsııasynyń shekarasy»

2. «Gerasımovka-Semeı»

3. «Qalbataý-Qasym Qaısenov»

4. «Ýshanov aýyly-Serebrıansk qalasy» (20-00 04.01. 06-00 05.01 deıin)

5. «Tarǵyn-Samar»

6. «Abaı oblysy-Shemonaıha shekarasy»

7. «Shemonaıha-Sekısovka»

8. «Shemonaıha-Úlken Ózen»

9. «Óskemen-Taýly Úlbi-Soltústik» (5 qańtar tańǵy 06.00-ǵa deıin)

10. «Keńsaı-Tasbastaý».

Foto: ortcom.kz