ShQO-da jolda qalǵan avtobýstan 53 adam evakýatsııalandy
ÓSKEMEN. QazAqparat – Shyǵys Qazaqstan oblysynyń qutqarýshylary jolda qalǵan avtobýstan 53 adamdy evakýatsııalady, dep habarlaıdy QazAqparat tilshisi.
ShQO Tótenshe jaǵdaılar baspasóz qyzmetiniń málimetine súıensek, 10 aqpan kúni Jarma aýdany Sulýsary aýylynyń mańyndaǵy jolda vahtashylar otyrǵan avtobýs synyp qaldy. Oqıǵa ornyna №32 órt sóndirý bóliminiń qyzmetkerleri kelip jetken.
«Qutqarýshylar aýdandyq polıtsııa bóliminiń saqshylary jáne jergilikti atqarýshy organ ókilderimen birlesip 53 adamdy «KÚNG» avtokóligimen evakýatsııalady. Qalbataý aýylyna jetkizilgen olar sport mektebine ornalastyryldy», - delingen aqparatta.
Sondaı-aq 11 aqpanda tańerteń Aıagóz aýdanynda «Aýdı S4» jáne «IJ» markaly 2 avtokólik jolda qalǵan. Onda 4 adam otyrdy. Qutqarýshylar shuǵyl túrde sol jerge jetip, kólikterdi Aıagóz qalasyna deıin shyǵaryp saldy.
