ShQO-da jolda qalǵan 6 adamǵa qutqarýshylar kómekke keldi
ÓSKEMEN. QazAqparat – Shyǵys Qazaqstan oblysy Ulan aýdanynda jolda qalǵan 6 adamǵa qutqarýshylar kómekke keldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Ulan aýdanynda Kamenskoe kólinen 6 shaqyrym jerde ornalasqan Jańa Qanaı aýylynda 6 adam, onyń ishinde 2 bala otyrǵan avtokólik jolda qalǵan.
«Qarǵa batqan «Mazda» markaly kóliginiń júrgizýshisi jolǵa shyǵa almaı qaldy. Oqıǵa ornyna shuǵyl túrde jedel-qutqarý jasaǵynyń qyzmetkerleri kelip jetti. Olar avtokólikti tasjolǵa súırep jetkizdi. Sodan keıin azamattar óz saparlaryn ary qaraı jalǵastyrdy», - dep habarlady vedomstvo ókilderi.
Osy rette, TJD mamandary daýyldy eskertý jáne qolaısyz aýa raıy kezinde eldi mekenderden shyqpaý qajettigin eskertti. Joldardyń jaı-kúıin «Dármen» mobıldi qosymshasy arqyly bilip otyrýǵa bolady.
