ShQO-da jolda qalǵan 3 ańshy qutqaryldy
SEMEI. QazAqparat – Semeı qalasynyń mańynda kólikteri synyp qalǵan 3 ańshy qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine qaraǵanda, ańshylardyń «Nıva» avtokóligi Jarqyn eldi mekeninen 30 shaqyrym jerde (Semeıden 47 shaqyrym) buzylǵan.
«Oqıǵa ornyna kelip jetken jedel-qutqarý jasaǵynyń qyzmetkerleri «Nıva-Marsh» kóligimen úsh ańshyny evakýatsııalady», - dep habarlady vedomstvo ókilderi.
Osy rette, TJD turǵyndarǵa alys jolǵa shyqqan kezde mindetti túrde kóliktiń tehnıkalyq jaǵdaıyn tekserý qajettigin eske salady.
