ShQO-da jolda qalǵan 218 adam qaýipsiz jerge kóshirildi
ÓSKEMEN. QazAqparat - Shyǵys Qazaqstan oblysynda qarly boran saldarynan jolda qalǵan 218 adam qaýipsiz jerge kóshirildi, dep habarlaıdy QazAqparat.
ShQO TJD baspasóz qyzmetiniń habarlaýynsha, óńirde 28-29 qańtar kúnderi daýyldy eskertý jarııalanǵan bolatyn. Osy eki kúnde turǵyndarǵa joldardyń jabylǵandyǵy týraly 15 SMS-habarlama jiberilgen.
«Jedel shtabqa 40-tan astam adam qońyraý shalyp, kómek surady. Anyqtalǵandaı, 102 jeńil avtokólik, 3 avtobýs, 13 júk kóligi jolda qalyp qoıǵan. Sol jerlerge birden attanǵan qutqarýshylar 218 adamdy qaýipsiz jerge kóshirdi. Budan bólek, qar qursaýynan 70 adam qutqaryldy. Onyń ishinde 11 bala bar», delingen vedomstvo málimetinde.
Qazirgi ýaqytta óńirdegi respýblıkalyq mańyzdaǵy 8, oblystyq mańyzdaǵy 13 jol jabyq.
