ShQO-da jolda qalǵan 100 kólik júrgizýshisine kómek kórsetildi
ÓSKEMEN. QazAqparat - Shyǵys Qazaqstan oblysynda qutqarýshylar jolda qalǵan 100 kólik júrgizýshisine kómektesti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 20 naýryzda saǵat 01.50-de respýblıkalyq mańyzy bar «Semeı-Qaınar» tasjolynda qalǵan júrgizýshilerge qutqarýshylar men «Qazavtojol» JShS qyzmetkerleri kómekke attandy.
«Jeke quramnan 10 adam jáne 5 tehnıkanyń kómegimen jolda turyp qalǵan 100 kólik tazalanǵan jol ýchaskesine deıin shyǵaryp salyndy. Onda 40 júk kóligi men 60 jeńil kólik bolǵan», - dep habarlady vedomstvo ókilderi.
Sondaı-aq Aýdı kóligindegi 6 adam Semeı qalasyna evakýatsııalanǵan. Olar medıtsınalyq kómekke muqtaj bolǵan joq.
Osy rette, TJD azamattarǵa daýyldy eskertý týraly habarlama alǵanda eldi mekennen alys saparǵa shyqpaý qajettigin eskertedi. Joldardyń jaı-kúıi týraly «Dármen» mobıldi qosymshasy arqyly bilip otyrýǵa bolady.
