ShQO-da jol jóndeýshiler Osınovskıı asýyna jol salady
ÓSKEMEN. QazAqparat - Bıylǵy jyly Osınovskıı asýynan ótetin avtojoldar tóseý jumystary bastaldy. 2020 jyly Raqman qaınary, Zyrıan jáne osy baǵyttaǵy eldi mekenderge barýǵa bolady, dedi bul jerler kúrdeli ári óte qaýipti jol ýchaskesi ekendigin aıtqan «QazAvtoJol» Ulttyq kompanııasy» AQ Shyǵys Qazaqstandaǵy fılıalynyń dırektory Nurlanbek Ómirbaev.
Qazir qunarly jer qabaty alynyp jatyr, al shilde aıynda jańa jol qurylysy bastalady. 32 shaqyrymdyq «aınalmaly» joldyń 16 shaqyrym bóligi «ABK Avtodo-NS» merdiger kompanııasyna tıesili. Bıylǵy jyldyń sońyna deıin olar josparlanǵan 2,3 mlrd teńgeni (3 jylǵa josparlanǵan 11,1 mlrd teńgeden) ıgerýge tıis.
16 shaqyrymdyq joldyń ekinshi bóligi boıynsha (7,2 mlrd teńgege baǵalanǵan) baıqaý tártipteri júrgizilip jatyr.
Jol qurylysy aıaqtalǵannan keıin joldyń qaýipti aımaqtaryna júrgizýshilerdiń nazaryn aýdarýǵa arnalǵan jol nusqaýlary men jaryq dıodty jol belgileri ornatylady.
