ShQO-da jol jóndeý salasynda 125 zańbuzýshylyq anyqtaldy

ÓSKEMEN. QazAqparat – Shyǵys Qazaqstan oblysynda jyl basynan beri jol jóndeý jumystarynyń sapasyn tekserý maqsatynda 41 reıd júrgizilgen, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttiginiń ShQO boıynsha departamenti men Jol aktıvteriniń sapasy jónindegi ulttyq ortalyq mamandary joldardyń jóndelý sapasyn baqylaýda.

«2020 jyly «Sapaly jol – Adaldyq alańy» jobasy aıasynda arnaıy monıtorıngtik top músheleri 41 ret reıdke shyǵyp, ortasha jóndeý jumystary júrgizilgen jergilikti jáne respýblıkalyq avtokólik joldaryn tekserdi. Sonyń náıjesinde 125 zańbuzýshylyq anyqtalyp, merdigerlerge kemshilikterdi joıý týraly 22 hat jiberildi. Jol sapasyn jaqsy deńgeıde ustaý maqsatynda oblystyń ár ýchaskelerine osy tektes qadaǵalaý jumystary jalǵasyn tabady», - dep habarlady Sybaılas jemqorlyqqa qarsy qyzmet mamandary.

Aıta keteıik, bıyl ShQO-da 397 shaqyrym avtokólik joly men 83 shaqyrym kóshe joldaryna ortasha jóndeý jumystary júrgiziledi.