ShQO-da jol ýchaskesinde kólik qozǵalysy shekteledi
NUR-SULTAN. QazAqparat - Aýa raıynyń qolaısyzdyǵyna baılanysty Shyǵys Qazaqstan aýmaǵyndaǵy jol ýchaskesinde kólik qozǵalysy shekteledi, dep habarlaıdy QR IIDM baspasóz qyzmeti.
«Shyǵys Qazaqstan oblysynda aýa raıynyń nasharlaýyna baılanysty 24 qarasha kúni saǵat 16:00-den bastap «Óskemen-Rıdder-RF shek.» avtojolynyń 15-105 shaqyrymynda, atap aıtqanda, Beloýsovka aýyly men Rıdder qalasy arasyndaǵy ýchaskede tirkemesi jáne jartylaı tirkemesi bar júk kólikteriniń qozǵalysyna shekteý engizildi» delingen habarlamada.
Tótenshe jaǵdaılardy boldyrmaý maqsatynda kólik ıelerine alys saparǵa shyqpaýǵa keńes beriledi.
Oqys jaǵdaı oryn alsa, 1403 nómiri boıynsha táýlik boıy jumys isteıtin call-ortalyqqa habarlasýǵa bolady.
