ShQO-da jol sapasyn tekserý barysynda 150-den astam aqaý tabyldy
ÓSKEMEN. QazAqparat – Shyǵys Qazaqstan oblysynda jol sapasyn tekserý barysynda 150-den astam aqaý anyqtaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary jergilikti atqarýshy organ ókilderimen birlesip jol sapasyn tekserdi.
Sonyń nátıjesinde, jol qozǵalysy qaýipsizdigine teris áser etetin 150-den astam aqaý anyqtalǵan.
«Merdiger uıymdarǵa kemshilikterdi joıý boıynsha 200 uıǵarym jiberildi. Joldardy kútip-ustaýda kemshilikter jibergen jol qyzmetteriniń 11 basshysy ákimshilik jaýapkershilikke tartyldy. Bul tizimde qala, aýyldyq okrýg ákimderi, TÚKSh bólimderiniń basshylary men mamandary, kvazımemlekettik sektor ókilderi jáne merdigerlik uıymdardyń zańdy tulǵalary bar», – deıdi oblystyq PD bastyǵynyń birinshi orynbasary Eldos Zakımov.
Osy jyldyń basynan beri polıtsııanyń usynystary boıynsha jergilikti atqarýshy organdardyń qoldaýymen Óskemen, Semeı qalalarynda, Tarbaǵataı jáne Kókpekti aýdandarynda 6 baǵdarsham ornatý jáne jańǵyrtý jumystary bastaldy.
500 shaqyrymnan astam kósheler men joldarǵa ortasha jóndeý jumystary júrgizilýde.
Esterińizge sala ketsek, osyǵan deıin ShQO-da elik atqan brakoner sottalǵanyn habarlaǵan edik.
