ShQO-da jol qyzmetteriniń 80 basshysy jaýapqa tartyldy
ShQO Polıtsııa departamenti baspasóz qyzmetiniń málimetine súıensek, tártip saqshylary oblys kósheleri men joldaryndaǵy qaýipsizdikti baqylaý úshin 450-den astam tekserý júrgizdi. Sonyń nátıjeleri boıynsha jol qyzmetteriniń 80 basshysy men temirjol ótkelderiniń 11 ıesi ákimshilik jaýapqa tartyldy. Salynǵan aıyppuldyń jalpy somasy 2 mln 600 myń teńgeni qurady.
«Bul rette úsh laýazymdy tulǵaǵa 131 265 teńge kóleminde ákimshilik aıyppul salynǵan. Qazirgi ýaqytta tek ákimshilik sharalarmen jol qaýipsizdiginiń joǵary deńgeıine qol jetkizý múmkin emes. Ol úshin jol-kólik ınfraqurylymyn jaqsartý jáne jol qozǵalysyn uıymdastyrý deńgeıin arttyrý qajet», - delingen habarlamada.
Aıta keteıik, jergilikti atqarýshy organdardyń qoldaýy men PD usynystarynyń arqasynda sońǵy jyldary kósheler men joldarda birqatar nysandar salynǵan. Onyń ishinde Óskemende 2 jerústi jaıaý júrginshiler ótkeli bar. Sondaı-aq apattyq-qaýipti ýchaskelerde solǵa burylýǵa tyıym salatyn qosymsha belgiler ornatyldy. Budan bólek, 30 jańa baǵdarsham qoıylyp, jumys istep turǵan 70-ine rekonstrýktsııa júrgizildi.
«Jol qozǵalysyn uıymdastyrýdy jaqsartý boıynsha osyndaı jumystar bıyl da júrgiziletin bolady. Máselen, Semeıde jańa meshit aýdanynda eki jerústi jaıaý júrginshiler ótkeli men 13 baǵdarsham salynyp, 4 000-nan astam jol belgisi aýystyrylady», - delingen aqparatta.