ShQO-da jol qyzmetteriniń 45 basshysy jaýapqa tartyldy

ÓSKEMEN. QazAqparat – Shyǵys Qazaqstan oblysynda jol qyzmetteriniń 45 basshysy jaýapqa tartyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jyl basynan beri tártip saqshylary oblys kósheleri men joldaryndaǵy qaýipsizdikti baqylaý úshin 400-den astam tekserý júrgizdi.

Sonyń nátıjeleri boıynsha jol qyzmetteriniń 45 basshysy ákimshilik jaýapqa tartyldy. Onyń ishinde qala, aýyldyq okrýg ákimderi, turǵyn-úı kommýnaldyq qyzmet sharýashylyǵy bólimderiniń basshylary men mamandary, kvazımemlekettik sektor ókilderi, merdigerlik uıymdardyń zańdy tulǵalary bar.

«Quqyq qorǵaý organdarynyń basty mindetteriniń biri – jol-kólik oqıǵalarynyń sanyn azaıtý, joldardyń qaýipti ýchaskelerinde júrgizýshilerdi eskertetin belgilerdiń ornatylýyn qamtamasyz etý. Osy maqsatta Polıtsııa departamentiniń usynysymen Óskemen jáne Semeıde 6 baǵdarsham ornatý josparlanǵan. Sondaı-aq osy qalalarda 30-ǵa jýyq oń jaq burylys jasaý boıynsha qurylys jumystary jalǵasady», - delingen aqparatta.