ShQO-da jol qozǵalysyn retteıtin 60 kamera ornatylady
ÓSKEMEN. QazAqparat - Memlekettik jekeshelik áriptestik aıasynda Óskemen men Semeı qalalaryndaǵy jol qozǵalysyn retteý maqsatynda 60 radar-kamera ornatylady. Áleýetti ınvestor usynǵan joba oblystyq ákimdikte ótken jıynda qaraldy, dep habarlaıdy «QazAqparat» HAA tilshisi.
«Qurylǵyny ornatatyn kásiporynnyń tájirbesi bar. Ol buǵan deıin respýblıkanyń birneshe qalalarynda osyndaı jabdyqtar boıynsha jumystar júrgizgen. Jumys istep turǵan vıdeobaqylaý júıeleri jaqsy nátıje kórsetýde. Shyǵys Qazaqstanda salynǵan qarajattyń jalpy somasy 1, 836 mlrd teńgeni quraıdy. Aldyn ala alynǵan málimetterge qaraǵanda, jobany iske asyrý merzimi on jyldan astam ýaqytqa belgilengen. Kompanııa baqylaý kamerasyn eki qalaǵa ornatyp qana qoımaı, olarǵa óz qarajaty esebinen qyzmet kórsetedi», - delingen ákimdiktiń baspasóz paraǵynda.
Mundaı yntymaqtastyq kásorynǵa paıda tabýǵa múmkindik beredi, sondaı-aq MestaFusion jabdyǵy tirkegen jol qozǵalysy erejesin buzǵandar tólegen aıyppuldan oblystyq bıýdjetke qosymsha qarajat túsedi.
Atalǵan jobany iske asyrýǵa jergilikti bıýdjetten eshqandaı qarjy jumsalmaıdy, kersinshe 7 mlrd teńgege shamasynda paıdaǵa kemeledi. Otyrysta óńir ákimi Danıal Ahmetov atalǵan jobany maquldady. Joba jaqyn arada iske asyryla bastaıdy.
