ShQO-da Jol qozǵalysy qaýipsizdiginiń aptalyǵy bastaldy
ÓSKEMEN. 1 naýryz. QazAqparat - Shyǵys Qazaqstanda jol qozǵalysy jas ınspektorlary jasaǵynyń 40 jyldyq mereıtoıyna arnalǵan Jol qozǵalysy qaýipsizdiginiń aptalyǵy bastaldy.
Aktsııa 6 naýryzǵa deıin jalǵasady. Aımaq joldarynda jol polıtsııasynyń ınspektorlary júrgizýshilerge Jol polıtsııasy komıteti ázirlep shyǵarǵan myńnan astam únqaǵazdardy taratty. Júrgizýshilerge arnalǵan bul jadynamalar - eresekterge balalardyń jaryqty shaǵylystyratyn elementterdi (flıkerlerdi), qaýipsizdik beldikteri men balalardy tasymaldaý kezinde arnaıy ustaý quraldaryn qoldaný eskertpesi.
Aldyn alý aktsııasy balalar jaraqattaryn boldyrmaý maqsatymen ótkizilýde. Jedel málimetter boıynsha, ótken eki aıda balalardyń qatysýymen 14 jol-kólik oqıǵasy body, sonyń saldarynan 15 bala jaraqattandy. Ótken jyldyń basymen salystyrǵanda jol-kólik oqıǵalary 40 paıyzǵa, onda jaraqat alǵandar sany - 67 paıyzǵa ósti. Barlyq derlik apattarǵa eresekter kináli boldy.
