ShQO-da jol erejesin buzýdyń 4 myńnan astam faktisi tirkeldi
ÓSKEMEN. QazAqparat - Shyǵys Qazaqstan oblysynda 3 kúnge sozylǵan «Qaýipsiz jol» jedel aldyn alý sharasynyń qorytyndysy shyǵaryldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, shara barysynda tártip saqshylary jol erejesin buzýdyń 3776 faktisin tirkedi. Onyń ishinde 40-y qoǵamdyq kólik júrgizýshilerine qatysty bolyp otyr.
Mas kúıde kólik tizgindegen 50 júrgizýshi ustaldy. Qarsy jolaqqa shyqqan – 26, jymdamdyqty asyrǵan – 228 adam jaýapqa tartylǵan. Sondaı-aq zańbuzýshylyq jasaǵan 770-ke jýyq jaıaý júrginshi anyqtaldy.
«Qaýipsiz jol» jedel aldyn alý sharasyn júrgizý kezinde 124 avtokólik aıyppul turaǵyna jetkizildi. Kólik júrgizý quqyǵynan aıyrylsa da ishimdik iship alyp rýlge otyrǵandar da boldy. Osyndaı 4 júrgizýshige qatysty sotqa deıingi tergeý amaldary bastaldy», - dedi ShQO PD bastyǵy Saǵat Mádıev.
Máselen, 17 aqpanda keshki saǵat 22:30-da Karbyshev kóshesinde polıtseıler «Mitsubishi FTO» kóligin toqtatqan. Kólik tizgininde otyrǵan 23 jastaǵy jigittiń sot qaýlysymen júrgizýshi kýáliginen aıyrylǵandyǵy anyqtaldy. Aýzynan alkogoldi ishimdiktiń ıisi baıqalǵandyqtan ol narkologııalyq dıspanserge jetkizilgen. Sol jerde er adamnyń aşy sýdan urttaǵandyǵy belgili boldy.
Júrgizýshige qatysty QR Qylmystyq Kodeksiniń 346-babyna sáıkes tergeý amaldary júrgizilýde.
