ShQO-da jol boıynda turǵan mektepterdiń aýmaǵyna 120 eskertý belgisi qoıyldy
Jyl saıyn jańa oqý jyly bastalar aldynda polıtsııa qyzmetkerleri jergilikti atqarýshy organ ókilderimen birlesip «Abaılańyz, balalar!» jedel aldyn alý sharasyn júrgizedi. Mundaǵy maqsat – balalardyń jol-kólik oqıǵalaryna tap bolýynyń aldyn alý.
«Búgingi tańda oblys boıynsha 222 mektep pen balabaqsha kólik jolynyń mańaıynda ornalasqan. Shara barysynda onyń 78% paıyzy tekserilip, balalardyń qaýipsizdigin qamtamasyz etý maqsatynda 120 eskertý jol belgisi qoıyldy, 4050 metr trotýar salyndy. Sondaı-aq ruqsat etilgen jyldamdyqty shekteý úshin tıisti belgiler de ornatylǵan», - dedi oblystyq PD jergilikti polıtsııa qyzmeti basqarmasynyń bastyǵy Talǵat Nurıev.
Osy rette, polıtsııa qyzmetkerleri kólik júrgizýshilerine barynsha abaı bolyp, jol erejesin saqtaýǵa, al balalardy jolǵa júgirip shyqpaýǵa shaqyrady.
