ShQO-da jol belgilerin jaýyp turǵan jarnama bılbordtary alyndy
ÓSKEMEN. QazAqparat – Shyǵys Qazaqstan oblysynda jol belgilerin jaýyp turǵan jarnama bılbordtary alynyp tastaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol belgilerin jaýyp turǵan jarnama bılbordtary men bannerlerdi alý úshin ákimshilik polıtsııa basqarmasynyń saqshylary men jergilikti atqarýshy organ ókilderi birlesken shara ótkizdi.
«Oblys kóshelerinde ornatylǵan keıbir jarnama bılbordtary jol qozǵalysy qaýipsizdigi talaptaryn buzady. Olar júrgizýshilerge kedergi keltirip, jol-kólik oqıǵalaryna sebepshi bolýy múmkin. Shara barysynda Semeı qalasyndaǵy 5 bılbord alynyp tastaldy», - delingen habarlamada.
Aıta ketý kerek, sońǵy eki jylda Óskemen jáne Semeı qalalarynyń kóshelerinde zań talaptaryna sáıkes kelmeıtin 150-ten astam jarnama bılbordy alynǵan.
