ShQO-da jol apatynan tórt adam kóz jumdy
JARMA AÝDANY. QazAqparat - Shyǵys Qazaqstan oblysynda jol-kólik oqıǵasynan tórt adam qaza tapty, dep habarlaıdy QazAqparat Shyǵys Qazaqstan oblystyq Polıtsııa departamentiniń baspasóz qyzmetine silteme jasap.
Vedomstvoda málim etkendeı, apat 15 mamyrda saǵat 19:20-da Omby-Maıqapshaǵaı tasjolynyń 816 shaqyrymynda, Semeı qalasynan 50 shaqyrym jerde bolǵan.
Jarma aýdanynyń polıtsııa qyzmetkerleri jańbyr jaýyp, jol kórinbegendikten Semeıden shyqqan Toyota Land Cruiser 100 kóligi men Shar qalasynan kele jatqan VAZ 21015 markaly kóligi soqtyǵysqandyǵyn málim etti.
«Jol-kólik oqıǵasy saldarynan VAZ 21015 kóliginiń 31 jastaǵy júrgizýshisi men 3 jolaýshysy, sonyń ishinde kámeletke tolmaǵan jasóspirim oqıǵa ornynda qaza boldy», - dep atap ótti ShQO PD baspasóz qyzmetinen.
Atalǵan fakti boıynsha QR QK 345-baby 4-bóligi boıynsha sotqa deıingi tergeý jumystary bastaldy. Birqatar saraptama taǵaıyndaldy. Toyota Land Cruiser 100 kóliginiń 35 jastaǵy júrgizýshisi ýaqytsha ustaý ızolıatoryna qamaldy.
Oral Erlanuly
