ShQO-da jol apatynan tórt adam qaza tapty
SEMEI. QazAqparat – Shyǵys Qazaqstan oblysynda jol apatynan tórt adam kóz jumdy, taǵy tórteýi zardap shekti, dep habarlaıdy QazAqparat Altaınıýs saıtyna silteme jasap.
Qaıǵyly oqıǵa 9 tamyz kúni «Semeı-Ozerkı» tasjolynda boldy. Qaladan shyǵaberistegi avtojoldyń ekinshi shaqyrymynda BMW-X5 kóligi aýdarylyp qalǵan. Polıtsııanyń málimetinshe, júrgizýshi qaýipsiz jyldamdyqty saqtamaǵan. Saldarynan kóliktiń aýdarylýyna jol bergen.
Jol apatynan mashınada bolǵan tórt adam, sonyń ishinde eki bala oqıǵa ornynda mert boldy. Júrgizýshi men ózge úsh jolaýshy (onyń ekeýi – balalar) medıtsınalyq mekemelerge jetkizildi», - dep málim etti ShQO Polıtsııa departamentinen.
Fakti boıynsha QR QK-niń 345-baby 4-bóligi boıynsha (Abaısyzda eki jáne odan kóp adamnyń ólimine ákelip soqqan kólik quralyn basqaratyn tulǵanyń jolda júrý erejesin buzýy nemese kólik quralyn paıdalanýy) sotqa deıingi tergep-tekserý amaldary bastaldy.
