ShQO-da jol apatynan er adam kóz jumdy
SEMEI. QazAqparat - Semeıde jol-kólik oqıǵasynan bir adam kóz jumdy. Kólikti tizgindegen áskerı qyzmetker qatty jyldamdyqpen kele jatyp rólge ıe bola almaǵan. Saldarynan kólik aýdarylyp, jolaýshy kóz jumdy. Bul týraly QazAqparat Semeı garnızony áskerı sotynyń baspasóz qyzmetine silteme jasap habarlaıdy.
Semeı garnızonynyń áskerı soty Qazaqstan Respýblıkasy Qylmystyq Kodeksiniń 345-baby 3-bólimi boıynsha áskerı qyzmetshige qatysty qylmystyq isti qarady.
Jol apaty «Qaraǵandy-Boǵas» tas jolynda oryn aldy. «Mercedes-Benz E 230» avtokóligin tizgindegen áskerı qyzmetker jol qozǵalys erejesin saqtamaǵan. Qatty jyldamdyqpen kele jatqan ol rýlge ıe bola almaı, aýdarylǵan. Al kólikte otyrǵan er adam oqıǵa ornynda kóz jumǵan.
«Avtokólikte sottalýshymen birge jumys istegen áriptesi otyrǵan. Biraq ol alǵan qatty jaraqattary saldarynan sol jerde kóz jumdy. Oqıǵadan keıin júrgizýshi kólik quraldaryn paıdalaný qaǵıdalaryn buzýy saldarynan abaısyzda adam ólimine ákep soqqan is-áreket baby boıynsha aıyptalyp, qylmystyq is qozǵaldy. Sot otyrysy kezinde ol kinásin moıyndap, ókinetinin jetkizdi», - delingen habarlamada.
Sot úkimimen azamat 2 jyl 6 aıǵa bas bostandyǵynan aıyryldy. Biraq QR QK-niń 63 baby (Shartty túrde sottaý) negizinde shartty jaza taǵaıyndaldy. Jáne kólik quralyn basqarý quqyǵynan 3 jylǵa aıyryldy.
