ShQO-da jol apatynan eki jasar bala men eki eresek adam qaza tapty
ÓSKEMEN. QazAqparat - Semeıde «BMW» jáne «Lada» avtokólikteriniń soqtyǵysýy saldarynan úsh adam qaza tapty, olardyń biri - eki jasar bala, dep habarlaıdy «QazAqparat» HAA tilshisi.
Kýágerlerdiń aıtýynsha, «Lada» markaly avtokólikke «BMW» kelip soǵylǵan. «Ladada» otyrǵan jolaýshylar qaza tapty. 54 jastaǵy áıel oqıǵa ornynda kóz jumdy. Onyń 24 jastaǵy qyzy men eki jasar nemeresi aýrýhanada qaza tapty.
«Lada» júrgizýshisi túrli jaraqattarmen aýrýhanaǵa jetkizildi. BMW kóligin 26 jastaǵy jas jigit basqarǵan. Ol eshqandaı jaraqat alǵan joq. Polıtsııa qyzmetkerleri oqıǵanyń shyǵý sebepteri men kinálini anyqtaýda.
