ShQO-da jol apatynan aýyl ákimi ajal qushty
ASTANA. QazAqparat - Shyǵys Qazaqstan oblysy Kúrshim aýdanynda Aqbulaq aýyldyq okrýginiń ákimi jol-kólik oqıǵasy saldarynan kóz jumdy, dep habarlaıdy «QazAqparat» HAA tilshisi.
Bul týraly Shyǵys Qazaqstan oblysynyń Jumyldyrý daıyndyǵy basqarmasynyń baspasóz qyzmetinen habarlaıdy.
Oqıǵa búgin, ıaǵnı 31 tamyz kúni tańerteń saǵat 8:30 shamasynda Qaljyr - Kúrshim tas joly aralyǵynda tirkelgen. Vedomstodan habarlaǵandaı, 1959 jyly dúnıege kelgen azamat «Aýdı» kóligin júrgizip kele jatyp, kóligimen jol shetine aýdarylyp qalǵan. Jol-kóligi oqıǵasynyń saldarynan júrgizýshi qaıtys bolǵan.
Qaza tapqan 58 jastaǵy er adam Kúrshim aýdanynyń Aqbulaq aýyldyq okrýginiń ákimi bolǵan.
