ShQO-da jol apatyna kináli júrgizýshini sol jerde qalǵan bólshekter arqyly tapqan
ÓSKEMEN. QazAqparat - Semeıde polıtsııa bir aı buryn Shyǵys Qazaqstan oblysynyń kentinde jaıaý júrginshini qaǵyp, oqıǵa ornynan izin sýytqan júrgizýshini anyqtady, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtsııada naqtylaǵandaı, jol-kólik apaty bolǵan jerde qalyp ketken mashınanyń synǵan bólshekteriniń kómegimen avtomobıldiń markasy qyzyl tústi Toyota ekeni anyqtalǵan. Sonyń kómegimen júrgizýshini tapqan.
«Toyota Hilux» avtokóligin júrgizgen 24 jastaǵy jigit er adamdy qaǵyp ketken. Sonyń saldarynan 34 jastaǵy er adam jol-kólik apaty ornynda qaza tapty. Qazir 19 qarasha kúni túngi saǵat 2:50-de bolǵan jol apatynyń mán-jaıy anyqtalyp jatyr», - dep atap ótti polıtsııada.
Qazir QR QK 345, 347-baptary boıynsha sotqa deıingi tergeý júrgizilip jatyr. Júrgizýshi bes jylǵa deıin bas bostandyǵynan aıyrylýy múmkin.
