ShQO-da jol apaty saldarynan kólikke qystyrylyp qalǵan er adam qutqaryldy
ÓSKEMEN. QazAqparat – Shyǵys Qazaqstan oblysynda jol apaty saldarynan kólikke qystyrylyp qalǵan er adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy búgin «Almaty-Óskemen» tasjolynda bolǵan.
- Aıagóz qalasynan 40 shaqyrym jerde Mercedes kóligi men DAF markaly júk kóligi soqtyǵysty. Jol apaty saldarynan Mercedes júrgizýshisi kólikke qystyrylyp qalǵan.
Oqıǵa ornyna jedel túrde medıtsınalyq-qutqarý pýnktiniń qyzmetkerleri men qutqarýshylar kelip jetti, - delingen aqparatta.
Departament qyzmetkerleri arnaıy quraldyń kómegimen júrgizýshini alyp shyǵyp, oǵan alǵashqy medıtsınalyq kómek kórsetti. 1992 jyly týǵan er adamnyń hali aýyr bolǵan. Kóp uzamaı qutqarýshylar zardap shegýshini jedel járdem dárigerlerine tapsyrdy.
