20:21, 04 Qarasha 2025 | GMT +5
ShQO-da jol apatynan 5 adam kóz jumdy
ÓSKEMEN.KAZINFORM — Shyǵys Qazaqstan oblysynda jol apatynan 5 adam qaza bolyp, bir adam jaraqat aldy.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 4 qarasha kúni Óskemen-Rıdder tasjolynyń 48-shi shaqyrymynda boldy.
— ZIL júk kóligi men Toyota Estima kóligi soqtyǵysqan. Sonyń saldarynan 5 adam sol jerde til tartpaı ketti. Jaraqat alǵan 1 adam aýrýhanaǵa jetkizildi, — dep habarlady vedomstvo ókilderi.
Atalǵan fakti boıynsha tártip saqshylary sotqa deıingi tergeý amaldaryn bastady. Qaza bolǵandardyń kim ekeni jáne oqıǵanyń barlyq mán-jaıy anyqtalyp jatyr.
Eske salsaq, osyǵan deıin Abaı oblysyndaǵy tasjolda jeńil kólik pen júk kóligi soqtyǵysyp, 3 adam kóz jumǵany habarlanǵan.