ShQO-da jol apatynan 3 adam kóz jumdy
ÓSKEMEN.KAZINFORM — Shyǵys Qazaqstan oblysynda jeńil kólik pen júk kóligi soqtyǵysyp, 3 adam qaza boldy.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 24 qarasha kúni respýblıkalyq mańyzy bar «Omby-Maıqapshagaı» tasjolynyń 877-shaqyrymynda, Tarbaǵataı aýdanynyń aýmaǵynda boldy. «Chevrolet Onix» jeńil kóligi men «Howo» markaly júk kóligi soqtyǵysqan.
— Jol apaty saldarynan jeńil kólik júrgizýshisi men 2 jolaýshysy alǵan aýyr jaraqattarynan oqıǵa ornynda kóz jumdy. Taǵy bir jolaýshy medıtsınalyq mekemege jetkizildi, — dep habarlady vedomstvo ókilderi.
Atalǵan derek boıynsha sotqa deıingi tergeý amaldary bastaldy. Tıisti saraptamalar taǵaıyndalyp, oqıǵanyń mán-jaıy anyqtalyp jatyr.
Osy rette, polıtsııa qyzmetkerleri júrgizýshilerge jyldamdyqty ruqsat etilgen shekten asyrmaýǵa jáne jolda barynsha muqııat bolýǵa shaqyrdy.
Eske salsaq, buǵan deıin Almatyda eki avtobýs soqtyǵysyp qalǵanyny týraly jazǵan bolatynbyz.