ShQO-da jol apatynan 3 adam qaza boldy
ÓSKEMEN. KAZINFORM - Shyǵys Qazaqstan oblysy Shemonaıha aýdany Pervomaıka kentinde jol apatynan úsh adam kóz jumdy.
Oqıǵa 6 mamyrda túnde boldy. ShQO Polıtsııa departamentiniń málimetinshe, VAZ-21100 markaly kólik joldan shyǵyp ketip, aǵashqa soǵylǵan.
— Jol-kólik oqıǵasy saldarynan júrgizýshi men eki jolaýshy sol jerde kóz jumdy. Aldyn ala aqparat boıynsha, júrgizýshi kólik tizginine ıe bola almaı qalǵan, — delingen aqparatta.
Atalǵan fakti boıynsha tergeý amaldary bastaldy. Qazir tergeýshiler oqıǵanyń barlyq mán-jaıyn anyqtap jatyr.
Bul qaıǵyly jaǵdaı shaǵyn kent úshin aýyr soqqy boldy. Jergilikti ákimdik ókilderi qaza bolǵandardyń otbasyna kóńil aıtty.
— Marqumdardyń týǵandary men jaqyndaryna qaıǵylaryna ortaqtasyp, kóńil aıtamyz. Bekem bolyńyzdar, — delingen habarlamada.
Eske salsaq, buǵan deıin Atyraýda kólik qaǵyp ketken 8 jastaǵy oqýshy oqıǵa ornynda kóz jumǵany habarlanǵan.
