ShQO-da joǵary synyptyń segiz oqýshysy aýyldastaryn óltirip, qar astyna kómip tastaǵan
ASTANA. 15 naýryz. QazAqparat - Shyǵys Qazaqstan oblysynda qaıǵyly oqıǵa oryn aldy.
Munda joǵary synyp oqýshylary ózderinen bir-aq jas úlken aýyldastaryn aldymen býyndyryp óltirip, keıin qardyń astynan kómip tastaǵan. Bul týraly "Ekspress K" gazeti jazdy.
11 qańtarda Jańasemeı aýdanynyń Znamenka aýylynda 18 jastaǵy jigit joǵalyp ketti. Sol kúni ol serýendeýge shyǵyp, úıine oralmady. 14 qańtarda jigittiń ákesi ulynyń joǵalǵandyǵy týraly polıtsııaǵa habarlady. Іzdestirý jumystary bastaldy.
«Qylmys 5 naýryz kúni áshkere boldy, sol kúni jetkinshektiń máıiti tabyldy. Tergeýshiler anyqtaǵandaı, 11 qańtarda ony joǵary synyptyń segiz oqýshysy soqqyǵa jyqqan. Bastapqyda jigit qashyp qutylmaqqa árekettenedi, biraq kúshter teń bolmady. Oqýshylar marqum jigittiń moınyna jipti orap, býyndyrdy. Keıin denesin joldyń jıegine súırep aparyp, sol jerde qarǵa kómip tastaǵan», - dedi Іshki ister departamenti baspasóz qyzmetiniń basshysy Baqytjan Torǵaev.
Qylmystyq is qozǵaldy. Uryp-soǵýǵa jáne kisi óltirýge qatysy bar segiz jasóspirim ustalyp, qamaýǵa alyndy. Olar ózderiniń túsiniktemelerinde málim etkendeı, ózderinen bir jas úlken bolǵan marqum jigit olardan aqsha bopsalap, soqqyǵa jyqqan, osylaısha olar kek qaıtarmaq bolǵan. Taǵy bir boljam boıynsha, jigit óziniń durys júris-turysymen jáne únemi aqyl aıtýymen olardyń ashýyn týdyrǵan.
