ShQO-da joǵalyp ketken balyqshylardy izdeý jalǵasýda
ÓSKEMEN. QazAqparat - Shyǵys Qazaqstan oblysynda joǵalyp ketken balyqshylardy izdestirý jalǵasýda, dep habarlaıdy QazAqparat tilshisi.
ShQO TJD qutqarýshylary 20 qarashada Tarbaǵataı aýdanyndaǵy Zaısan kólinde joǵalyp ketken 1990 jáne 1981 jylǵy eki balyqshyny izdeýdi jalǵastyrýda.
«Qutqarýshylar habar túse salysymen oqıǵa ornyna ákimdik ókilderimen birge dereý kelip jetken bolatyn. Birinshi kezekte Tarbaǵataı aýdanynyń jergilikti balyqshylarynyń qaıyqqa shyǵý múmkindigi qarastyryldy. Alaıda aýa raıynyń ózgerýinen, atap aıtqanda qabyrshaq muzdyń saldarynan katermen shyǵýǵa múmkindik bolmady. Kúrshim aýdany Aqsýat aýyly jaǵynan da osyndaı jaǵdaı qalyptasty, - dep habarlady ShQO TJD baspasóz qyzmeti.
21 qarasha kúni Zaısan kólinde aerovızýaldy tekserý júrgizý jáne balyqshylardy izdeý úshin jergilikti atqarýshy organdarmen birlesip, ShQO ákimdiginiń MI-8 tikushaǵy jumyldyrylǵan. Saǵat 13.06-da jergilikti turǵyndar jaǵadan 1 shaqyrym qashyqtyqta joǵalǵan balyqshylardyń qaıyǵynyń bos benzın bagyn taýyp aldy. Іzdeýge turǵyndar (20 jeńil avtokólik, 50 adam, 1 kvadrokopter), polıtsııa (3 birlik tehnıka, 10 qyzmetker, 1 kvadrokopter), ShQO TJD-dan 10 qutqarýshy qatysqan.
«22 qarashada TJD JQJ súńgýirleri arnaıy jabdyqtyń kómegimen kúni boıy muz astynan izdeý jumystaryn júrgizdi. Іzdeýge jergilikti turǵandar da belsene qatysty. Keshke qaraı qaıyq tabyldy. Qutqarýshylar men turǵyndar qaıyqty muz astynan alyp shyqty. 23 qarashadan bastap búgingi kúnge deıin kúni boıy súńgýirler sýasty izdeý jumystaryn júrgizýde. 27-29 qarasha aralyǵynda kúrteshe, balyq tolǵan qap jáne aý tabylǵan. Kúndelikti 30 balyqshy qutqarýshylarǵa kómek retinde jaǵalaýdan 1,5 shaqyrymdy súzip ótýde, - dep habarlady vedomstvo ókilderi.
